+20 °С
Дождь
Спорт
8 Января 2020, 06:00
"Биатлон" яңы еңеүҙәргә юл аса
Өфөләге “Биатлон” спорт комплексында мәктәп уҡыусылары араһында саңғы ярыштары буйынса республика беренселеге уҙҙы.
Башҡортостандың Саңғы ярыштары буйынса федерацияһы рәйесе Илгиз Камалетдиновтың әйтеүенсә, сараның маҡсаты уҙыш ҡына түгел, ә төбәктә ошондай ярыштарҙы тергеҙеү ҙә. Һуңғы ваҡытта был спорт төрө һүнеп ҡалғайны.
Беренсе көндә ҡыҙҙар – биш, егеттәр ун километр арауыҡҡа уҙышты. Ә икенсе көн коньки стилендә үткәрелгән бәйгелә көслө зат вәкилдәре – 15, ҡыҙҙар 10 километр араны үтте. Ярыштарҙа барыһы 18 мәктәптән 120 спортсы ҡатнашты.
"Сараға ныҡлы әҙерләндем. Былтыр унда ҡатнашыу хыял ғына булһа, быйыл хатта беренсе урын алыу бәхете тәтене", – тине ярыштың еңеүсеһе Илһөйәр Ҡотошова Башҡортостан юлдаш телевидениеһына биргән интервьюһында.
Беренселектә яҡшы уңышҡа өлгәшкәндәр ил буйынса ярыштарҙа ҡатнашыу хоҡуғын алды.
Фото: bash.news.
Автор: Айһылыу Низамова
