Көрәшселәр йыйылды майҙанға

Бөгөн Стәрлебаш ауылында район хакимиәте башлығы Кубогына милли көрәш буйынса район-ара тунир үтә. Иң көслөһө исеме өсөн Стәрлетамаҡ, Кумертау ҡалалары, Миәкә, Мәләүез һәм Стәрлебаш райондарынан 100гә яҡын спортсы көс һынашты. Ярышты тантаналы асыуҙа район хакимиәте башлығы Р.К.Рахманғолов, Рәсәй Федерацияһының Дәүләт Думаһы депутаты, яҡташыбыҙ Рәмзил Ишһарин, БР Дәүләт Йыйылышы-Ҡоролтай депутаты, яҡташыбыҙ Гөлнур Ҡолһарина, БР Күсемһеҙ мәҙәни мираҫ объекттарын һаҡлау һәм файҙаланыу буйынса ғилми-етештереү үҙәге етәксеһе, яҡташыбыҙ Данир Ғәйнуллин, СССР спорт мастеры Нурулла Хисмәтуллин, БР атҡаҙанған физик культура хеҙмәткәре Мансур Сөйәрғолов ҡатнашты. Турнир район Мәҙәниәт йортоноң спорт залында барҙы.