Бөтә яңылыҡтар
Спорт
2 Декабрь 2019, 11:05

Рәсәй футболсыларының өсөнсө дәғүәсеһе булып Финляндия командаһы танылды

30 ноябрҙә Румынияла футбол буйынса киләһе йыл буласаҡ Европа чемпионатының йәрәбәһе уҙҙы.

Рәсәй йыйылма командаһы быға тиклем билдәле булған Бельгия һәм Дания футболсыларынан тыш үҙенең өсөнсө дәғүәсеһен белде. Ул - Финляндия. Шулай итеп, Черчесовтың тәрбиәләнеүселәре “В” төркөмөндә беренсе осрашыуын Санкт-Петербургта Бельгия командаһы менән беренселекте башлай. Бәйге 13 июнь уҙасаҡ. Шунан һуң, 17-һе Питерҙа Финляндия уйынсыларын ҡабул итһә, 22 июнь Данияла урындағы команда менән көс һынашасаҡ. Плей-оффҡа һәр төркөмдән икешәр команда сыға.

Башҡа төркөмдәргә килгәндә, “F” төркөмө ҡурҡыныс... Унда Франция, Германия, Португалия командалары үҙ-ара “һуғышасаҡ”. Тағы бер дүртенсе дәғүәсеһе стык уйындарынан һуң билдәле буласаҡ.

“А” төркөмө: Төркиә, Италия, Уэльс, Швейцария;

“В” төркөмө: Бельгия, Рәсәй, Дания, Финляндия;

“С” төркөмө: Нидерланд, Украина, Австрия һәм дүртенсеһе стык уйындарынан һуң билдәле буласаҡ;

“D” төркөмө: Англия, Хорватия, Чехия һәм дүртенсеһе стык уйындарынан һуң билдәле буласаҡ;

“Е” төркөмө:Испания, Швеция, Польша һәм дүртенсеһе стык уйындарынан һуң билдәле буласаҡ.

https://yeshlek.rbsmi.ru/articles/ya-yly-tar-ta-ma-y-netu/R-s-y-futbolsilarini--s-ns-d--se-e-bulip-Finlyandiya-komanda-i-tanildi-23215/

Читайте нас в