Герой иҫтәлегенә ҡыҙыу ярыштар

Келәмдә көстәрен һынап ҡарау өсөн дүрт ауыл биләмәһенән 90ға яҡын ҡатнашыусы йыйылды. Егеттәр 12, ир-аттар - өс ауырлыҡ категорияһында көрәште. Булат Рафиҡов, Фидан Көҫәпҡолов, Айҙар Аҡкөбәков, Фәнүр Йәғәфәров, Дим Ишембәтов, Аслиддин Отабоев, Ғазинур Батталов, Илнур Ҡарабаев, Айнур Собханғолов, Алмаз Аҡанаев, Илһам Ҡолһарин, Айнур Кинйәбаевтар почет пьедесталының юғары баҫҡысына күтәрелде. Динислам Нәбиуллин, Илмир Аҡкөбәков, Мөнир Хәйбуллин, Илнар Фәйзуллин, Илдар Шаматов, Динар Шәймәрҙәнов, Артур Дауытов, Павел Жоров, Азат Фәтхлисламов, Айнур Мөхәмәтшин, Руслан Буранбаевтар көмөш миҙалға лайыҡ булды. Ислам Исламоратов, Илназ Табабилов, Нурсолтан Моратов, Виктор Красножонов, Данил Йомадилов, Илнар Кинйәбулатов, Айназ Һөйәрембәтов, Евгений Журенков, Данил Ғәлиев, Әлмир Усманов, Максим Евсеев, Денис Ғиззетдинов, Марсель Вәлиев, Хәлил Иҫәнғужин бронза миҙал яуланы. Билдәләп үтергә кәрәк, Рөстәм Мөхәмәтшин, Ринат Ильясов, Фидан Мостафин, Айнур Хужин үҫмерҙәр араһында үҙ ауырлыҡ категорияларында призер булыуҙан тыш, ир-егеттәр араһында ауырлыҡ категорияһында көрәшеп, шулай уҡ призлы урындар яуланы.

Ун бер еңеүсе араһында «Бәхетле билет» тартып сығарыу ысулы менән Айрат Хәсәновтан төп бүләк - һарыҡ тәкәһе уйнатылды. Ул Стәрлетамаҡ тармаҡ-ара колледжының Стәрлебаш филиалынан Ринат Ильясовҡа (һүрәттә) эләкте. Спорт сараһын ойоштороусылар Ҡабыҡҡыуыш көрәшсеһе Айнур Собханғоловты тыуған көнө менән ҡотланы. Һарайҫа ауыл Советына ярышты үткәреүҙә ярҙамдары өсөн рәхмәт белдерелде.

Фаягөл ЙОСОПОВА әҙерләне.