Беҙҙең әсәйҙәр бөтә яҡтан да шәп

Тамашалы уйын ике этапта үтте. Беренсеһендә ике командала ла әсәйҙәр уйнап, 20:19 һөҙөмтәһе менән беренсе команда еңде. Башланғыс класс уҡыусылары әсәйҙәрен сәпәкәйләп хупланы, плакаттар ярҙамында уларға көс бирҙе. Артабан еңгән команда менән өлкән класс уҡыусылары көс һынашты. Ике команда ла бер тигеҙ уйын күрһәтте, һөҙөмтәлә - дуҫлыҡ еңде. Уҡыу-уҡытыу буйынса директор урынбаҫары Зөлфирә Латипова ярышты ойоштороусылар - башланғыс класс уҡытыусылары Лилиә Хисамова, Эльза Кәримова һәм физкультура уҡытыусыһы Лилиә Ғәниеваларға рәхмәт белдереп, әсәйҙәрҙе байрам менән ҡотланы. Шулай уҡ һәр әсә мәктәп эшендә әүҙем ҡатнашҡаны өсөн Маҡтау грамотаһы менән бүләкләнде. Ата-әсәләр ҙә, балалар ҙа ярыштан дәртдарман алып, күтәренке кәйефтә таралышты.

Әлиә ШИРҒАЗИНА, Ямғырсы төп мәктәбенең башҡорт теле һәм әҙәбиәте уҡытыусыһы. Фото автор тарафынан бирелде.