+4 °С
Болотло
Бөтә яңылыҡтар
Спорт
22 Декабрь 2017, 11:43
Район башлығы призына
Уҙған йома Стәрлебаш ауылында район хакимиәте башлығы призына көрәш буйынса II район-ара турниры үтте. Иң көслөһө исеме өсөн биш райондан 100гә яҡын спортсы көс һынашты. Ярышты тантаналы асыуҙа район хакимиәте башлығы Ф.З.Туҡтаров, кикбоксинг һәм көрәш сәнғәте буйынса 36 тапҡыр донъя чемпионы Вил Ғабдуллин, СССР спорт мастеры Нурулла Хисмәтуллин, БР атҡаҙанған физик культура хеҙмәткәрҙәре Мансур Сөйәрғолов һәм Леонид Ильин ҡатнашты.
Ҡыҙыу көрәш мәленең береһе
Сара балалар-үҫмерҙәр спорт мәктәбе преподавателе Илдар Моратовҡа күкрәккә таға торған билдә тапшырыу һәм билбауҙа көрәш буйынса "Рәсәй спорт мастеры" исемен биреүҙән башланды. Был көндө Илдар Илдус улын тәрбиәләнеүселәре лә (элекке һәм хәҙерге) һөйөндөрҙө. Стәрлебаштар 12 ауырлыҡ категорияһының 11ендә еңеү яуланы. Шулай итеп, шәхси зачетта беренсе урындар яуланы: Вилдан Вәлиев, Данил Йомадилов, Дим Ишембәтов, Аслетдин Отабоев, Фәдис Назаров, Рафиҡ Шароян, Раймон Моратов, Алмаз Аҡанаев (Ишембай ҡалаһы), Рөстәм Мөхәмәтшин, Илһам Ҡолһарин, Айнур Кинйәбаев, Азамат Собханғолов. Ярыш барышында үҫмерҙәр һәм өлкәндәр араһында турнирҙың абсолют чемпиондары асыҡланды. Улар Р.Мөхәмәтшин һәм А.Собханғолов. Рөстәм һәм Азамат бүләккә берәр һарыҡ алды.
Команда зачетында беренсе урындар шулай уҡ беҙҙең спортсыларҙа. Барлыҡ еңеүселәргә һәм призерҙарға грамоталар, миҙалдар, кубоктар һәм аҡсалата бүләктәр тапшырылды.
Был бик һәйбәт турнир булды! Ул райондың спорт тормошонда тағы ла бер мөһим ваҡиғаға әүерелеп, унда ҡатнашыусыларға һәм көйәрмәндәргә бихисап дәрт-дарман, көс-ҡеүәт бүләк итте.
Фаягөл ЙОСОПОВА әҙерләне.
Читайте нас:
Газета зарегистрирована (ПИ №ТУ 02-01461 от 05.10.2015 г.) в Управлении Федеральной службы по надзору в сфере связи, информационных технологий и массовых коммуникаций по Республике Башкортостан.
УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».
Телефон
8 (34739) 22356
Электрон почта
Адресы
453830, Республика Башкортостан, c. Стерлибашево,ул. Карла Маркса, 102.
Реклама хеҙмәте
8 (34739) 22354
Редакция
8 (34739) 22353
Ҡабул итеү бүлмәһе
8 (34739) 22353
Хеҙмәттәшлек
8 (34739) 22378
Кадрҙар бүлеге
8 (34739) 22354