0 °С
Ҡар
Бөтә яңылыҡтар
Серле донъя
27 Декабрь 2019, 17:03
Алла ризалығынан да оло байлыҡ юҡ
Йәш, өйләнмәгән бер егеттең көнкүреше үтә ауыр булған, хәйерселектән башы сыҡмаған. Көнө-төнө тырышып эшләһә лә, тапҡан-таянғаны ата-әсәһен, туғандарын ҡарауға китеп торған.
Ул бик йыш ҡына байлыҡ, мал-мөлкәт тураһында хыялланыр булып киткән. “Их, нисек итеп етеш донъя көтөргә икән?! Нисек байып була икән? Бай ҡыҙын кәләшлеккә алһаң ине!” – егеттең бындай уй-теләктәренән дуҫтары мыҫҡыл итергә ғәҙәтләнгән. Ә береһе: “Байҙың мөлкәтен урла!” – тип көлөп кәңәш биргән.
Ә был кәңәште егет күңеленә һалған, насар уй, алманы кимергән ҡорт шикелле, көндән-көн мейеһенә нығыраҡ үтеп ингән.
Бер ҡараңғы төндә ул бай йортона бурлыҡҡа йыйынған. Тәҙрә төбөнә килеп, шым ғына тыңлап тора икән. Йортта бай менән байбисәнең үҙ-ара һөйләшкәнен тыңлай:
– Ҡыҙғынабыҙ кейәүгә бирерлек булды. Кемде кейәүлеккә һайларға, әсәһе?
– Беләһеңме, бай кейәү, тип ынтылмайыҡ. Үҙебеҙҙең мал-мөлкәт, шөкөр, етерлек. Ҡыҙыбыҙҙың буласаҡ ире дини, ғәҙел, Аллаға ышанған кеше булһын.
– Ысынлап та, мәсеткә йөрөгән, ураҙа тотҡан егетте ҡараштырырға кәрәк! Әгәр ҙә ихлас дин тотһа, ундай кейәүгә байлығым йәл түгел, – ти бай.
– Ҡыҙғынабыҙ кейәүгә бирерлек булды. Кемде кейәүлеккә һайларға, әсәһе?
– Беләһеңме, бай кейәү, тип ынтылмайыҡ. Үҙебеҙҙең мал-мөлкәт, шөкөр, етерлек. Ҡыҙыбыҙҙың буласаҡ ире дини, ғәҙел, Аллаға ышанған кеше булһын.
– Ысынлап та, мәсеткә йөрөгән, ураҙа тотҡан егетте ҡараштырырға кәрәк! Әгәр ҙә ихлас дин тотһа, ундай кейәүгә байлығым йәл түгел, – ти бай.
– Күңеле таҙа булһа, ҡатынын да хөрмәт итер, яратыр. Берҙән-бер балабыҙҙың бәхетенән дә мөһимерәк әйбер юҡ, — тип ирен йөпләй икән байбисә.
Быны тыңлап торған егет нисек килгән, шулай кире боролоп ҡайтып китә.
Икенсе көндән алып ул мәсеткә йөрөй, ураҙа тота башлай. Уның күңеле таҙара, үҙен ышаныслы тота, теләһә нимә һөйләмәй, тапҡан аҡсаһы ла бәрәкәтле була башлай.
Был егетте ситтән генә күҙәтеп йөрөгән бай уны янына саҡырып ала. “Һин – иманлы, тәүфиҡлы егетһең. Риза булһаң, үҙеңде ҡыҙыма кейәү итер инем. Барлыҡ байлығыма ла хужа буласаҡһың”, – ти ул.
Ә егет былай тип яуаплай:
– Һеҙҙең тәҡдим ҡыҙыҡтырғыс, әлбиттә. Күпмелер ваҡыт элек мин уға ризалашыр инем һәм шатлығымдан үрле-ҡырлы һикерер инем. Ә хәҙер миңә Алла ризалығынан тыш бүтән байлыҡ кәрәкмәй.
Текст: Л. Ғәлимйәнова әҙерләне. Фото: Т. Аманов
Текст: Л. Ғәлимйәнова әҙерләне. Фото: Т. Аманов
Читайте нас в
© 2020 Сайт издания "Стәрлебаш шишмәләре"
Газета зарегистрирована (ПИ №ТУ 02-01461 от 05.10.2015 г.) в Управлении Федеральной службы по надзору в сфере связи, информационных технологий и массовых коммуникаций по Республике Башкортостан.
УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».
Телефон
8 (34739) 22356
Электрон почта
Адресы
453830, Республика Башкортостан, c. Стерлибашево,ул. Карла Маркса, 102.
Реклама хеҙмәте
8 (34739) 22354
Редакция
8 (34739) 22353
Ҡабул итеү бүлмәһе
8 (34739) 22353
Хеҙмәттәшлек
8 (34739) 22378
Кадрҙар бүлеге
8 (34739) 22354