+24 °С
Облачно
Саралар
4 Января 2020, 08:42
Ейәнсуралар сәләмәт тормош яҡлы!
Яңы йыл каникулдарын хәҙер байрам итеп түгел, ә әүҙем спорт менән үткәреү модала.
Ейәнсура районының Иҫәнғол ауылындағы “Салауат” физкультура-һауыҡтырыу комплексынан кеше өҙөлмәй: көнөнә бер нисә күнекмә, ярыш үтеп кенә тора. 2 ғинуар көнө бында бильярд буйынса асыҡ район турниры ойошторолдо. Ҡатнашыусылар сәмләнеп ярышты, уйындан ҡәнәғәтлек тойғолары, каникулдарға етерлек дәрт алды. Бильярд - ул спорт ҡына түгел, ә тактик фекерләүҙе, етеҙлек һәм хәрәк координацияһын үҫтереүсе интеллектуаль уйын икәнлеге күптәргә билгеле.
Турнир һөҙөмтәһе буйынса урындар түбәндәгесә билдәләнде: 1 урын - Салауат Сәғитов, 2 урын – Риф Иҫәнсурин, 3 урын- Олег Дрондин. Гүзәл заттар араһынан берҙән бер ҡатнашыусы Лилиә Шәрипова иһә айырым билдәләнде. Ул ҡыйыулыҡ күрһәтеп, ирҙәр менән типә-тиң көс һынашты.
Фото район хакимиәте сайтынан алынды.
