Бөтә яңылыҡтар
Саралар
25 Ноябрь 2019, 23:00

Өфөлә студент балы үтте

Вуз-ара бал бишенсе тапҡыр ойошторолдо. Сарала Өфөнөң бөтә юғары уҡыу йорттары һәм колледждары ҡатнашты. Колонналы залда 60 пар төрлө бейеү көйҙәренә өйөрөлдө.

Йәштәр балға бер ай тирәһе әҙерләнгән. Хореографтар ҡайһы бер парҙарҙы бер аҙна эсендә лә балда бейерлек итеп өйрәтә алған. Программала полонез, ике масштаблы вальс, америка джайвы һәм башҡа вальстар. Балға быйыл иң яҡшы номерҙар һайлап алынған.

Балды Мифтахетдин Аҡмулла исемендәге Башҡорт дәүләт университетының музыкаль белем биреү һәм хореография сәнғәте кафедраһы ойошторһа, кисәне Өфөнөң вокал һәм хореография сәнғәте төркөмдәре сығыштары биҙәне.

Яңылыҡтарҙан.
Читайте нас в