+12 °С
Ямғыр
Бөтә яңылыҡтар
Саралар
3 Сентябрь 2019, 10:22
Еҙ ҡыңғырау йәнә дәрескә саҡыра
Ағымдағы йылда белем көнө йәкшәмбегә тура килде. Ошоға бәйле, яңы уҡыу йылы башланыуға бағышланған традицион тантаналы линейкалар кисә, 2 сентябрҙә, булды. Улар районыбыҙҙың барлыҡ 19 мәктәбендә лә үтте. Белем биреү учреждениелары балаларҙы ҡабул итеүгә тулыһынса әҙер: йәйен уларҙа ремонт эштәре башҡарылған, территориялар төҙөкләндерелгән тип билдәләп үтергә кәрәк. Уҡыусыларҙы, педагогтарҙы һәм ата-әсәләрҙе байрам менән район хакимиәте вәкилдәре ҡотланы. Сығыштарында улар балаларға сағыу еңеүҙәр һәм, әлбиттә, уҡыуҙа уңыштар теләне. Быйыл 2000дән ашыу уҡыусы парта артына ултыра, шуларҙың 192һе беренсе класс уҡыусыһы.
Күңелле йәйге каникул артта ҡалыуға, ә алда ғәҙәти мәктәп тормошо булыуға ҡарамаҫтан, уҡыусыларҙың күбеһе яңы уҡыу йылына ихлас шатлана, сөнки мәктәп осоро - ул уҡыу һәм белем алыу ғына түгел, ә класташтарың, дуҫтарың менән аралашыу ҙа.
Был көндө Аллағыуат төп мәктәбендә айырыуса байрамса мөхит хөкөм һөрҙө (һүрәттә). Унда яңы уҡыу йылында 40 бала белем аласаҡ. Матур итеп кейенгән уҡыусылар, тулҡынланған ата-әсәләр, талапсан, әммә шат йылмайған уҡытыусылар беренсе ҡыңғырау тауышын ишетер өсөн бер рәткә теҙелде. Айырыуса беренсе класс уҡыусылары тулҡынланды. Быйыл мәктәп тупһаһын өс бала атлап үтте. Уларҙың бәләкәй генә ҡулдары беренсе уҡытыусылары - Зөһрә Миҙхәт ҡыҙына бүләккә алып килгән сәскә гөлләмәләрен ҡыҫып тотҡайны. Ул мәктәп тормошо башында балаларға икенсе ата-әсәгә әүереләсәк.
Ағымдағы уҡыу йылы һеҙгә, уҡыусылар, күңелле һәм ҡыҙыҡлы ваҡиғалар менән генә хәтерегеҙҙә ҡалһын, мауыҡтырғыс һәм фәһемле яңы белем илен асһын, яңынан-яңы уңыштар һәм ҡаҙаныштар алып килһен! Изге юл һеҙгә!
Үҙ хәбәрсебеҙ.
А.ЗӘЙНЕТДИНОВ фотоһы.
Читайте нас:
© 2020-2024 Сайт издания "Стәрлебаш шишмәләре"
Газета зарегистрирована (ПИ №ТУ 02-01461 от 05.10.2015 г.) в Управлении Федеральной службы по надзору в сфере связи, информационных технологий и массовых коммуникаций по Республике Башкортостан.
УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».
Телефон
8 (34739) 22356
Электрон почта
Адресы
453830, Республика Башкортостан, c. Стерлибашево,ул. Карла Маркса, 102.
Реклама хеҙмәте
8 (34739) 22354
Редакция
8 (34739) 22353
Ҡабул итеү бүлмәһе
8 (34739) 22353
Хеҙмәттәшлек
8 (34739) 22378
Кадрҙар бүлеге
8 (34739) 22354