Өфөлә тәмле ризыҡ фестивале асылды

Сыр бешереү буйынса оҫталыҡ дәресен генә тиҫтәләп кеше күҙәтте. Сара сиктәрендә билдәле кафе-ресторандарҙың менюһын да ҡарарға була. Өфө үҙәгендә икенсегә уҙғарылған фестиваль халыҡ араһында популярлыҡ яулай бара. Асыҡ һауала әҙерләнгән ризыҡ артынан сират барлыҡҡа килде.

Ҡала ресторандары фестивале ике көнгә иҫәпләнгән. Бөгөн ул тамамлана. Сараны ойоштороусылар ҡунаҡтарға музыкаль күстәнәс тә әҙерләгән. Сәхнәлә үҙешмәкәр коллективтар сығыш яһай. Шулай уҡ майҙанда төрлө конкурстар, викториналар уҙғарыла. Балалар менән аниматорҙар эшләй.