Стәрлебашта - йондоҙҙар менән физзарядка!

Был сара "Берҙәм рәсәй" партияһы тарафтарҙарының төбәк советы тарафынан ойошторолған "Йондоҙҙар менән зарядка" проекты сиктәрендә үткәрелде. Уны билдәле яҡташтарыбыҙ: Татарстан Республикаһының атҡаҙанған артисы Айрат Хәлиҡов, Башҡортостан Республикаһының атҡаҙанған мәҙәниәт хеҙмәткәрҙәре Миңлеғәли Хөснөтдинов, Инсаф Ғәлимов, Башҡортостан Республикаһы эстрада артистары Фәрзәлиә һәм Денис Ибраһимовтар үткәрҙе. Майҙанға күнекмәләр яһарға пенсионерҙар, балалар һәм ҡайһы бер ойошма вәкилдәре килгәйне.

Сарала ҡатнашыусыларҙы район хакимиәте башлығы Ф.З.Туҡтаров сәләмләне. Ойоштороусыларға ул иҫтәлекле бүләктәр тапшырҙы.

Майҙанға йыйылғандарҙың барыһы ла дәртле музыкаға йондоҙҙар менән күнекмә яһап, күтәренке кәйеф алды.