-12 °С
Болотло
Бөтә яңылыҡтар
Саралар
13 Ноябрь 2018, 10:27
Хоҡуҡ һаҡлаусыларға хөрмәт күрһәтелде
Рәсәй полицияһы - закон һағында тороусы, көн һайын еңел булмаған хеҙмәт алып барған, енәйәтселеккә ҡаршы көрәшкән һәм тәртип тәьмин иткән Эске эштәр органдары хеҙмәткәрҙәре 10 ноябрҙә һөнәри байрамын билдәләне. Был байрам көнөндә уларҙың һәр ҡайһыһы ғорурлыҡ хисе кисергәндәр һәм һайлаған һөнәренең йәмғиәт өсөн мөһимлеген аңлайҙыр, моғайын. Хоҡуҡ һаҡлау органдары хеҙмәткәрҙәре һәр ваҡыт Рәсәй граждандары именлеге һағында тора. Көн һайын улар енәйәтселеккә ҡаршы көрәшә. Ҡыҙғанысҡа ҡаршы, уны тамырынан бөтөрөп булмай, әммә беҙҙең граждандар полиция хеҙмәткәрҙәренә һәр ваҡыт мөрәжәғәт итә ала.
9 ноябрҙә район Мәҙәниәт йортонда эске эштәр органдары хеҙмәткәрҙәре көнөнә бағышланған байрам сараһын Стәрлебаш районы буйынса эске эштәр бүлеге начальнигы Илфат Ҡолһарин асты. Ул ҡыҫҡаса һуңғы йылға йомғаҡ яһап, хеҙмәттәштәрен һөнәри байрамдары уңайынан ихлас ҡотланы. Уларға ныҡлы сәләмәтлек, эштәрендә уңыштар, ауыр хәл-шарттарҙа уларға мөрәжәғәт иткән кешеләрҙең хуплауын, бәхет, уңыштар, ғаилә именлеге теләне.
Артабан район хакимиәте башлығы Фәнүр Туҡтаров йыйылыусыларға йылы ҡотлау һүҙҙәре еткерҙе.
- Ошо ноябрь көнөндә ғүмерен кешеләргә хеҙмәт итеүгә, закон һәм тәртипте һаҡлауға бағышлаған эске эштәр органдары хеҙмәткәрҙәрен ысын күңелдән ҡотлайбыҙ. Һеҙгә, хөрмәтле полиция хеҙмәткәрҙәре, тоғро дуҫлыҡтың ҡәҙерен белеүегеҙҙе, һәр ваҡыт формала, ныҡлы рухлы, ғаиләгеҙ һәм тыуған илегеҙҙең ғорурлығы булыуығыҙҙы теләйбеҙ, - тине ул.
Шулай уҡ, Стәрлебаш район-ара суды рәйесе Иван Семенов, Стәрлебаш районы прокуроры, юстиция советнигы Максим Валиков, район ветерандар советы рәйесе, отставкалағы подполковник Кәлимулла Шәрәфетдинов, эске эштәр органдары ветерандар советы рәйесе, отставкалағы милиция подполковнигы Камил Асҡаров, эске эштәр органдарының элекке начальнигы, отставкалағы милиция майоры Хәмит Исмәғилев изге теләктәр һәм ҡотлауҙар менән сығыш яһаны.
Район хакимиәте һәм Стәрлебаш районы буйынса эске эштәр бүлегенең Маҡтау грамотаһы, Рәхмәт хаттары менән полиция хеҙмәткәрҙәре бүләкләнде. Милиция ветераны, отставкалағы майор Ирнис Йәғәфәров (һүрәттә) эске эштәр бүлегендә сирек быуаттан ашыу хеҙмәт итеп «МВД ветераны» миҙалы, уның хеҙмәттәше Пирназар Сәйепов - «Ветерандар эше активисы» күкрәккә таға торған билдәһе, тағы бер нисә ветеран - Рәхмәт хаттары менән бүләкләнде.
Коррекция мәктәбе вәкиле уларҙың эшендә әүҙем ҡатнашҡаны өсөн эске эштәр органдарының балиғ булмағандар эштәре буйынса хеҙмәткәре Таңһылыу Йосоповаға рәхмәт белдерҙе.
Рәсми өлөштән һуң сара концерт программаһы менән дауам итте.
Гөлдәр ҒӘФИЕВА.
А.ЗӘЙНЕТДИНОВ фотоһы.
Читайте нас:
© 2020-2024 Сайт издания "Стәрлебаш шишмәләре"
Газета зарегистрирована (ПИ №ТУ 02-01461 от 05.10.2015 г.) в Управлении Федеральной службы по надзору в сфере связи, информационных технологий и массовых коммуникаций по Республике Башкортостан.
УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».
Телефон
8 (34739) 22356
Электрон почта
Адресы
453830, Республика Башкортостан, c. Стерлибашево,ул. Карла Маркса, 102.
Реклама хеҙмәте
8 (34739) 22354
Редакция
8 (34739) 22353
Ҡабул итеү бүлмәһе
8 (34739) 22353
Хеҙмәттәшлек
8 (34739) 22378
Кадрҙар бүлеге
8 (34739) 22354