Һәм йәнә «Орленок» ишектәрен асты

Урындағы «Орленок» лагерында беренсе смена 8 июндә башланды. 71 ҡыҙ һәм малай йәйге каникулдарының бер өлөшөн ошонда үткәрәсәк. Шуларҙың 15е - етем һәм ата-әсә ҡарауынан мәхрүм ҡалған балалар. Улар тирә-яҡ донъяны танып, әүҙем ял итәсәк, ижади һәләттәрен үҫтерәсәк һәм спорт менән шөғөлләнәсәк. Бының өсөн лагерҙа тәрбиәүи программа төҙөлгән, унда көн һайын яңы сәйәхәттәр, асыштар. Бында улар изге эштәр башҡарасаҡ, бихисап серҙәргә төшөнәсәк, ғәҙәти әйберҙәрҙә матурлыҡты күрә белергә, дуҫтары, вожатыйҙар һәм тәрбиәселәр менән ирекле аралашырға өйрәнәсәк.

9 июндә лагерҙа тәүге сменаны асыу тантанаһы булды. Бер көндә ҡыҙҙар һәм малайҙар дуҫлашып, дәртле бейеүҙәр, йырҙар, отрядтары өсөн матур телмәр әҙерләп өлгөрҙө. Уларҙы йәйге каникулдары башланыу менән ҡотларға район хакимиәте башлығының социаль мәсьәләләр буйынса урынбаҫары Альбина Суфьянова килде һәм лагерға туптар бүләк итте.

Смена башланғандан алып күп ваҡыт та үтмәгән, ә лагерҙа кесе олимпия уйындары, футбол буйынса донъя чемпионаты алдынан футбол, күңелле старттар, төрлө ярыштар, Сәләмәтлек көнө, Изге эштәр көнө кеүек бик күп ҡыҙыҡлы саралар үткәрелгән. Күптән түгел балалар өсөн әһәмиәтле көн булды - уларҙың ата-әсәләре килде. Ҡыҙҙар һәм малайҙар уларҙың килеүенә матур концерт әҙерләгән, ашнаҡсылар ҡоймаҡтар ҡойған. Артабан ата-әсәләр һәм балалар араһында футбол матчы үткәрелде, унда 2:0 иҫәбе менән балалар еңеү яуланы.

Бер һүҙ менән әйткәндә, лагерҙағы мауыҡтырғыс һәм ҡыҙыҡлы программа менән балаларға күңелһеҙ булмаҫ, уларға яҡшы кәйеф, яңы дуҫтар бүләк итәсәк һәм улар бер юлы сәләмәтлектәрен дә нығытасаҡ. Алты тапҡыр туҡланыу, саф һауа, яңы дуҫтар - ошонан да яҡшыраҡ нимә булыуы мөмкин? Әлегә һауа торошо сағыу ҡояш нурҙары менән шатландырмаһа ла, лагерҙа йылы, дуҫтарса мөхит хөкөм һөрә.

Үҙ хәбәрсебеҙ. Фото Р.НИЯЗОВА тарафынан бирелде.

Читайте нас:

Газета зарегистрирована (ПИ №ТУ 02-01461 от 05.10.2015 г.) в Управлении Федеральной службы по надзору в сфере связи, информационных технологий и массовых коммуникаций по Республике Башкортостан.

УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».

Телефон

8 (34739) 22356

Электрон почта

[email protected]

Адресы

453830, Республика Башкортостан, c. Стерлибашево,ул. Карла Маркса, 102.

Реклама хеҙмәте

8 (34739) 22354

Редакция

8 (34739) 22353

Ҡабул итеү бүлмәһе

8 (34739) 22353

Хеҙмәттәшлек

8 (34739) 22378

Кадрҙар бүлеге

8 (34739) 22354