Иҫке Ҡалҡаш балалар баҡсаһы тәрбиәләнеүселәре был байрамды түҙемһеҙләнеп көтөп алды. Уға ныҡлы әҙерләнде: шиғырҙар ятланы, йыр һәм бейеүҙәр өйрәнде, байрамға костюмдар һайланы. Һәм бына ул көн килеп етте. Балалар баҡсаһында байрам мөхите хөкөм һөрҙө, ул кескәйҙәрҙе әкиәткә әйҙәне. Уларға яратҡан әкиәт геройҙары ҡунаҡҡа килде һәм төрлө уйындар үткәрҙе. Һәм, әлбиттә, байрамға Ҡыш бабай һәм Ҡарһылыуҙың килеүенә кескәйҙәр айырыуса шатланды. Балалар уларға рәхәтләнеп йырланы, шиғырҙар һөйләне һәм бейене.