Аҡыллы, һылыу һәм һәләтлеләр...

Төрлө ауыл биләмәләрен һәм ойошмаларын күрһәткән һигеҙ әсәй ҡыҙҙары менән таланттарын һәм һәләттәрен күрһәтеү өсөн район Мәҙәниәт йорто сәхнәһенә сыҡты. Төрлө һөнәр эйәләрен бер нимә берләштерҙе - йәш айырмаһына ҡарамаҫтан, уларға бер-береһен ярты һүҙҙән аңлауҙарын һәм дуҫ булыуҙарын күрһәтеп, лайыҡлы сығыш яһарға кәрәк ине. Әйтергә кәрәк, конкурста ҡатнашыусыларҙың ҡыҙҙары төрлө йәштә (шарттар буйынса уларҙың йәше сикләнмәгән) ине. Кескәй генә балалар ҙа, өлкәнерәктәре лә ихлас күңелдән, бөтә көстәрен һалып сығыш яһаны.

Ойоштороусылар уларға конкурсанттарҙың матурлығын, нимәгә маһир булыуҙарын һәм ижади һәләттәрен тулыһынса асыҡларға ярҙам иткән конкурстар әҙерләгәйне. «Ғүмер буйына һөйөү менән» тип аталған әсәйҙәр һәм ҡыҙҙар дефилеһы, фото-слайдтар күрһәтеп, үҙ-үҙең менән мауыҡтырғыстаныштырыу, «Көҙгөләге кеүек» бер иш хәрәкәттәр, «Ике әхирәт» һорауҙар һәм яуаптар конкурстары һәм «Бергә бәхетлебеҙ» ижади номеры - барлыҡ заданиеларҙы ла ҡатнашыусылар намыҫлы башҡарҙы. Улар моңло йырлай, дәртле бейей, музыка ҡоралдарында оҫта уйнай, бер-береһенең мауығыуҙарын, яратҡан аш-һыуҙарын һәм кейемдәрен белеүҙәрен күрһәтте.