Күпер асыуҙа Президент ҡатнаша

Кисә Санкт-Петербургтан ярым утрауға тәүге поезд ҡуҙғалды. Рәсәйҙәге һәм Европалағы иң ҙур тимер юл күперен асыу тантанаһында Рәсәй Президенты Владимир Путин да ҡатнаша.

Шундай уҡ пассажирҙар маршруты 24 декабрҙә Мәскәүҙән сыға. Яңы йүнәлеш юлда бер тәүлектән саҡ ҡына күберәк ваҡыт ала. Әле яңы күпер аша тик пассажир составтары ғына йөрөйәсәк. Ә киләһе йылдан тауар поездарына ла йәшел ут асыла тип көтөлә.

Кремлдың матбуғат хеҙмәтенән хәбәр итеүҙәренсә, тантананан һуң Владимир Путиндың күперҙе төҙөүҙә ҡатнашҡан эшселәр менән осрашыуы көтөлә. Артабан Президент эш сәфәре менән Адыгея республикаһына юллана. Ил башлығы республикала социаль проблемаларҙың хәл ителеүе, милли проекттарҙың тормошҡа ашырылыуы менән танышырға теләй.

#ВладимирПутин.

Рәсүл Байгилдин..