Бөтә яңылыҡтар
Сәйәсәт
19 Декабрь 2019, 11:05

Путин Меркель менән нимә тураһында һөйләште?

Парижда осрашып ҡайтыуҙарына аҙна үтте, ә улар тағы ла һөйләшергә булды. Рәсәй Президенты менән Германия канцлеры Ангела Меркелде әйтәм. Нимәгә икән?

Баҡһаң, улар ана шул "норманд форматы"ндағы осрашыуға йомғаҡ яһап, фекер алышҡан.

Владимир Путинға Меркель ханым үҙе шылтыратырға булған. Ике етәксе лә дүрт яҡлы саммитты ыңғай баһалай. Әлеге лә баяғы Украинаның бөтмәҫ-төкәнмәҫ мәсьәләһе буйынса һөйләшеүҙәр дауам итә бит.

Тағы ла Ливия темаһы күтәрелде. Әйтерһең дә, үҙебеҙҙә проблемалар юҡ. Һәр хәлдә ҡайҙа ғауға ҡуба, беҙ шуны бөтөрөр өсөн ҡаратырышлана ла йөрөйбөҙ. Ҙур һәм йоғонтоло ил булғас ни. Әлбиттә, эргә-тирәлә тыныслыҡты тәьмин итеү мөһим. Ана, Украинала һәм Сүриәләге һуғыштан ғына ла күпме мигрант күсенде?

Фото: Кремлин.ру

Яңылыҡ авторы: Алһыу Ишемғолова
https://yeshlek.rbsmi.ru/articles/ya-yly-tar-ta-ma-y-netu/Putin-Merkel-men-n-nim-tura-inda--yl-shte-43793/
Читайте нас: