+22 °С
Ямғыр
Сәйәсәт
16 Май 2018, 09:55
Владимир Путин власть органдарының яңы структураһын раҫланы: ике министрлыҡтың исеме үҙгәрҙе
Рәсәй Президенты Владимир Путин «Федераль башҡарма власть органдары структуралары тураһында»ғы указға ҡул ҡуйҙы, тип хәбәр итә «Известия» Кремлдең матбуғат хеҙмәтенә һылтанып.
Рәсәй Федерацияһы Хөкүмәте Рәйесенең 10 урынбаҫары бар. Улар иҫәбендә беренсе вице-премьер – финанс министры, вице-премьер – тулы хоҡуҡлы вәкил һәм вице-премьер – аппарат башлығы.
Указға ярашлы Рәсәй Федерацияһы Мәғариф һәм фән министрлығы Рәсәй Мәғариф министрлығына һәм Рәсәй Фән һәм юғары белем министрлығына үҙгәртеп ҡоролдо.
Рәсәй Федерацияһы Элемтә һәм киң коммуникациялар министрлығы – Рәсәй Һанлы үҫеш, элемтә һәм киң коммуникациялар министрлығына.
Бынан тыш, мәғариф өлкәһендә күҙәтеү буйынса айырым агентлыҡ ойошторола. Ул туранан-тура хөкүмәт ҡарамағында була. "Башинформ".
