Тикшереү үткәрелгән, мәғлүмәт – индерелмәгән...

Асыҡланыуынса, ветеринар күҙәтеү инспекторы тарафынан 2018 йылда 3 һанлы балалар баҡсаһына ҡарата күсмә тикшереү үткәрелгән, әммә закон талаптарын боҙоп, планлы күсмә тикшереү тураһында тейешле мәғлүмәт Берҙәм тикшереүҙәр реестрына индерелмәгән булған.

Ошоға бәйле, прокуратура тарафынан ғәйепле шәхескә ҡарата, РФ Административ хоҡуҡ боҙоуҙар тураһындағаы кодекстың 19.6.1 статьяһы буйынса (контроль функцияларын, муниципаль контролде бойомға ашырыусы дәүләт контроле (тикшереүе) органдарының, урындағы үҙидара, дәүләт һәм муниципаль учреждениелар органдарының вазифалы кешеләре тарафынан дәүләт контроле тураһында закон талаптарын үтәмәү) административ эш ҡуҙғатылып, етешһеҙлектәрҙе бөтөрөү тураһында яҙма күрһәтмә ебәрелде, ғәйепләнеүсе иҫкәртелде.

Әлеге ваҡытта етешһеҙлектәр бөтөрөлгән, прокуратура тарафынан был йүнәлештә эш дауам итә.

Виталий АРХАТКИН,

район прокуроры вазифаһын башҡарыусы.