Бөтә яңылыҡтар

Бурыс булырға тейеш түгел

2017 йылдың ноябрь-декабрь айҙарында район прокуратураһы тарафынан «Ҡабыҡҡыуыш», «Арыҫлан», «Правда» агрофирмаһы» йәмғиәттәре эшмәкәрлегендә үткәрелгән тикшереүҙәр һөҙөмтәһендә 1703000 һум суммаға хеҙмәткәрҙәргә эш хаҡы буйынса бурыс булыу факты асыҡланды.

Прокуратура инициативаһы буйынса юғарыла әйтелгән ойошма етәкселәре РФ Енәйәттәр кодексының 5.27 статьяһына ярашлы, 2 мең һумдан 10 мең һум суммаға тиклем штраф һалыу менән административ яуаплылыҡҡа тарттырылды.

ойошма хеҙмәткәрҙәре файҙаһына барлыҡҡа килгән бурысты түләтеү буйынса судҡа йүнәлтелгән 108 дәғүә ғаризаһы тикшерелгән һәм ҡәнәғәтләндерелгән, граждандар алдында эш хаҡы буйынса бурыс тулы күләмдә ҡаплатылған.

Вадим ЮЛДАШЕВ,

район прокуроры ярҙамсыһы.
Читайте нас: