Ул әлеге көндә Көйөргәҙе районы Яңы Мораптал ауылында ҡыҙы менән йәшәй. 1941 йылда, 20 йәшендә генә, Мәғрифә Йәриәхмәт ҡыҙын һәм Мораптал ауыл советынан тағы ла һау-сәләмәт, көслө рухлы 9 егет-ҡыҙҙы блокадалы Ленинградҡа ебәрәләр. Улар унда торф сығарыу, ағас эшкәртеү эшендә бил бөгәләр, ҙур ауырлыҡтар, аслыҡ- яланғаслыҡ кисерәләр. Бик күп тапҡырҙар дошман бомбаһы аҫтында ла ҡалырға тура килә уларға. Мәғрифә инәй 1945 йылда ғына тыуған яҡтарына кире әйләнеп ҡайта.