Дауахананың тәүге юбилейында сығыш яһап, республика Башлығы Радий Хәбиров, төбәк халҡы өсөн дауаханала бик һәйбәт шарттар булдырылған, ул демография проблемаларын хәл итеүгә тос өлөш индерә, тип билдәләне.
Ошо арала 5500-ҙән артыҡ бала тыуған, ЭКО операциялары үткәрелгән, меңдәрсә ҡатын-ҡыҙ һаулығын нығытҡан.
Радий Хәбиров “Әсә һәм бала” клиникалар селтәре етәксеһе Марк Курцерҙы Салауат Юлаев ордены менән бүләкләне, Синара Тайсинова менән Айгөл Низаеваға Башҡортостандың атҡаҙанған табиптары исемен бирҙе.