Бөтә яңылыҡтар
Милли проекттар
17 Ноябрь 2019, 11:30

2020 йылда ҡайһы юлдар ремонтлана?

Ошо көндәрҙә “Башинформ” мәғлүмәт агентлығы бинаһында 2019 йылда “Хәүефһеҙ һәм сифатлы автомобиль юлдары” милли проекты сараларын үтәү йомғаҡтары һәм 2020 йылға пландар буйынса йәмәғәт фекер алышыуҙары булды.

Башҡортостан Дәүләт танспорт комитеты, “Приуралье” Упрдор, Юл хужалығы идараһы, муниципалитеттар хакимиәттәре етәкселәре сығыш яһаясаҡ. Шулай уҡ Дәүләт Йыйылышы-Ҡоролтай, ЮХХДИ идараһы, Бөтә Рәсәй халыҡ фронты, профилле йәмәғәт ойошмалары вәкилдәре саҡырылды.
“Хәүефһеҙ һәм сифатлы автомобиль юлдары” милли проектында илдең 83 субъекты, шул иҫәптән Башҡортостан да ҡатнаша. Республикала 2024 йыл аҙағына тиклем Өфө һәм Стәрлетамаҡ агломерациялары юл селтәрҙәренең 85 процентын, төбәк һәм муниципаль-ара билдәләнештәге юлдарҙың 56,5 процентын норматив торошҡа килтерәсәктәр. Шулай уҡ иң мөһим мәсьәләләрҙең береһе – төбәктә юл-транспорт ваҡиғалары концентрацияһы урындарын ике тапҡырға кәметеү.
#Национальныепроекты
Читайте нас в