Бөтә яңылыҡтар
Милли проекттар
11 Ноябрь 2019, 11:00

"Йөрәк һүҙе" проекты еңеүселәре билдәләнде

Быйыл өсөнсө тапҡыр үткәрелгән мәҙәни проект Башҡортостан юлдаш телеканалында барҙы. Шарт буйынса шиғри ярышта тик актерҙар ғына ҡатнашты. Ни өсөн тигәндә, быйыл драма өлкәһендә әҫәрҙәре булған Мостай Кәримдең бер быуатлыҡ юбилейы билдәләнә һәм Рәсәйҙә Театр йылы бара.

"Йөрәк һүҙе-2019" еңеүсеһе тип телевидение алып барыусыһы, Башҡортостандың атҡаҙанған артисы Земфира Байбулдина билдәләнде! Уға оло бүләк - автомобиль һатып алырға 500 мең һумлыҡ сертификат тапшырылды.
Тамашасылар һөйөүе призына радио алып барыусыһы, йырсы Фәрүәз Урманшин лайыҡ булды. Фәрүәзгә Бөтә донъя башҡорттары ҡоролтайынан 100 мең һумлыҡ сертификат тапшырылды.
Ә проект авторы һәм етәксеһе Наилә Сәфәрғолова Бөтә донъя башҡорттары ҡоролтайының "Ал да нур сәс халҡыңа" миҙалы менән бүләкләнде.
Яңылыҡтарҙан.
Читайте нас в