-3 °С
Ҡар
Бөтә яңылыҡтар
Милли проекттар
28 Октябрь 2019, 07:02
Дәүләкәнгә – юғары тиҙлекле интернет
“Рәсәйҙең һанлы иҡтисады” милли проектына ярашлы, Башҡортостанда “Мәғлүмәт инфраструктураһы” федераль проектының тормошҡа ашырыла башлауы тураһында хәбәр иткәйнек.
Башланғыс халҡы йөҙҙән меңгә тиклем булған тораҡ пункттарҙа социаль әһәмиәтле объекттарҙы интернетҡа тоташтырыуҙы күҙ уңында тота. Бөгөн ошо йәһәттән эш Дәүләкән районында старт алды. Ундағы социаль әһәмиәтле объекттар юғары тиҙлекле интернетҡа тоташтырыла. Эште бөгөндән 25 октябргә тиклем атҡарыу планлаштырылған.
Әлеге күрһәткестәргә ҡарағанда, республикала мәғлүмәти-технологик инфраструктура менән социаль әһәмиәтле 50-нән ашыу объект тәьмин ителгән. Улар араһында мәктәптәр, фельдшер-акушерлыҡ пункттары, полиция бүлексәләре, янғын частары, һайлау комиссиялары бар.
“Мәғлүмәт инфраструктураһы” программаһы ярҙамында иң төпкөлдә ятҡан ауылдарға ла юғары тиҙлекле интернет индереү мөмкин буласаҡ, – тине республиканың Мәғлүмәтләштереү буйынса дәүләт комитеты матбуғат секретары Алевтина Дауытова. – Ошо программаға ярашлы, 2021 йылдың аҙағына тиклем 2774 социаль объект юғары тиҙлекле интернетҡа тоташтырыласаҡ”.
Билдәле булыуынса, быйыл июлдә үткәрелгән аукцион һөҙөмтәләре буйынса, проекттың операторы итеп “Башинформсвязь” йәмғиәте танылды.
Контракт шарттарына ярашлы, ағымдағы йылдың 1 декабренә тиклем оператор 722 социаль объектты юғары тиҙлекле интернетҡа тоташтырырға тейеш, был – дөйөм бурыстың 26 проценты.
Билдәле булыуынса, “Рәсәйҙең һанлы иҡтисады” милли проекты алты федераль проектты үҙ эсенә ала: “Һанлы мөхитте норматив көйләү”, “Мәғлүмәт инфраструктураһы”, “Һанлы иҡтисад өсөн кадрҙар”, “Мәғлүмәти хәүефһеҙлек”, “Һанлы технологиялар”, “Һанлы дәүләт идаралығы”.
Читайте нас:
© 2020-2024 Сайт издания "Стәрлебаш шишмәләре"
Газета зарегистрирована (ПИ №ТУ 02-01461 от 05.10.2015 г.) в Управлении Федеральной службы по надзору в сфере связи, информационных технологий и массовых коммуникаций по Республике Башкортостан.
УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».
Телефон
8 (34739) 22356
Электрон почта
Адресы
453830, Республика Башкортостан, c. Стерлибашево,ул. Карла Маркса, 102.
Реклама хеҙмәте
8 (34739) 22354
Редакция
8 (34739) 22353
Ҡабул итеү бүлмәһе
8 (34739) 22353
Хеҙмәттәшлек
8 (34739) 22378
Кадрҙар бүлеге
8 (34739) 22354