Бөтә яңылыҡтар
Милли проекттар
25 Октябрь 2019, 06:05

Сүп яндырыу өсөн мобиль комплекстар буласаҡ

Башҡортостанда “Экология” милли проекты буйынса сүп яндырыу өсөн мобиль комплекстар барлыҡҡа киләсәк. Был турала республиканың тәбиғәттән файҙаланыу һәм экология министры вазифаһын башҡарыусы Урал Искәндәровҡа һылтанып ТАСС мәғлүмәт агентлығы хәбәр итә.

Республикала шулай итеп рәсми булмаған сүплектәргә ҡаршы көрәшергә ниәтләйҙәр, ә төбәктә улар һаны 2,9 меңдән ашыу.
-Ҡоролма сорттарға айырылмаған сәнәғәт, медицина, ҡаты көнкүреш һәм башҡа сүптәрҙе юғары температуралы яндырыу ысулы менән юҡ итә. Сүп ҡалдыҡтарын сорттарға айырырға кәрәкмәй, өҫтәмә яғыулыҡ та талап ителмәй, - ти Искәндәров.
Башҡортостан Башлығы Радий Хәбиров ҡушыуы буйынса яҡын арала муниципалитеттарҙың береһендә ҡоролма ҡуйыу менән пилот проектын ойошторасаҡтар. Бер комплекс тәүлегенә 150 кг сүп яндырырға һәләтле, ә уның хаҡы 1,5 млн һумдан башлана.
Республикала йыйылған сүптәрҙең дөйөм күләме – 29 млн кубометрҙан ашыу, ә бер кубометрҙы юҡ итеү өсөн 850 һум тирәһе аҡса кәрәк.
#национальныепроекты
Читайте нас в