Төҙөлөш темпы күрһәткесе бер ярым тапҡыр арттырылырға тейеш. Был хаҡта “УралСтройИндустрия” форумын асҡанда республика Башлығы Радий Хәбиров белдерҙе. Торлаҡ төҙөлөшө темпы, уҙған йыл менән сағыштырғанда, күпкә артасаҡ.
Өлөшсөләр проблемалары ла хәл ителә. 28 октябрҙә 400гә яҡын алданған өлөшсө, шул иҫәптән “Миловка паркы”ныҡылар ҙа фатир асҡыстары алды. Дүрт ай эсендә төҙөүселәр “Йәштәр” комплексының дүрт йортонда эштәрҙе теүәлләргә тейеш, һуңынан йорттарын төҙөп бөтөрөүҙе 840 өлөшсө көтәсәк.