ошо көндәрҙә “Россия 1” каналы буйынса барған яңылыҡтарҙан шулай уҡ беҙҙең милли мираҫыбыҙ һәм мәҙәниәтебеҙгә ҡағылған күңелле хәбәрҙе лә ишеттек. Был бөйөк башҡорт яҙыусыһы Мостай Кәримдең беҙ бәләкәй саҡтан йотлоғоп яратып уҡыған яҡты ла, ҡыҙғаныс та “Беҙҙең өйҙөң йәме” повесына ҡағыла. Уның буйынса ил кимәлендәге “Сестренка” исемле фильм төшөрөлөүен хәбәр иттеләр. Актерҙар составы шулай уҡ бик көслө. Быйыл йөҙ йыллығын билдәләгән яҙыусы һәм драматургтың әҫәре кеүек үк, фильм да Рәсәй кино фондына ҙур өлөш индерер, ахыры.
Ике туғандаш, бер-береһенә шул тиклем оҡшаш халыҡ – татарҙар һәм башҡорттарҙың тормоштары, йәшәү рәүештәре менән юҡҡа ғына ҡыҙыҡһынмайҙар һәм ул шундай юғары кимәлгә лайыҡлы күтәрелгән, тип һанайым.