Быйыл гала-концертта башҡорт халҡы күпләп йәшәгән күрше төбәктәрҙән төрлө бейеү коллективтары ла ҡатнашты. Бөтә донъя башҡорттары ҡоролтайы Президиумы рәйесе Эльвира Айытҡолова һәр береһенә рәхмәт хаты тапшырҙы.
Улар — Пермь крайынан «Ғилмияза» халыҡ фольклор ансамбле, Ҡурғандан — «Бәхет» халыҡ фольклор ансамбле, Силәбенән — «Айгөл» халыҡ бейеүҙәре ансамбле, Ырымбурҙан — «Юлдаш» фольклор коллективы. Бынан тыш, Һарытау өлкәһенән солистка Римма Ғәлиева ла сығыш яһаны.
Күрше төбәктән килгән яҡташтарыбыҙ Бөтә донъя башҡорттары ҡоролтайы бүләк иткән милли кейемдәрҙә сығыш яһаны.