Бөтә яңылыҡтар
Мәҙәниәт һәм сәнғәт
11 Декабрь 2019, 00:20

Башҡорт теле көнөнә “Аҡмулла” спектакле сәхнәләштерелә

14 декабрь - башҡорт халҡының билдәле мәғрифәтсеһе М.Аҡмулланың тыуған көнө. Был көндө Бөтә донъя башҡорттары Ҡоролтайы башҡарма комитеты Башҡорт теле көнө тип иғлан итте. Бөтә республика буйынса башҡорт телен популярлаштырыу, һаҡлау һәм үҫтереүгә йүнәлтелгән саралар ойошторола.

Спектаклде Мифтахетдин Аҡмулла исемендәге Башҡорт дәүләт педагогия университетының “Ҡорос” халыҡ театры әҙерләй. “Һуңғы йылдарҙа Аҡмулла тормошо һәм ижады тураһында яңы мәғлүмәттәр тупланды”, - ти “Аҡмулла аманаты” китабы авторы, яҙыусы Фәнис Янышев.
Режиссер Илнур Лоҡманов әйтеүенсә, Аҡмулланың төрмәлә ултырғанда хат яҙыуы, атаһы менән булған мөнәсәбәте спектаклдә киң сағылыш ала.
Читайте нас в