Бөтә яңылыҡтар
Мәҙәниәт һәм сәнғәт
19 Ноябрь 2019, 23:10

«Ҡорос» театры һуҡырҙар өсөн махсус китапханала сығыш яһаны

Театраль Волга буйы йәмәғәт проекты ҡатнашыусыларын берләштерә. Бөгөн М. Аҡмулла исемендәге БДПУ-ның «Ҡорос» халыҡ театры республиканың һуҡырҙар өсөн махсус китапханаһында сығыш яһаны.

Студенттар Мостай Кәрим спектакленән өҙөк күрһәтте. Мифтахетдин Аҡмулла исемендәге Башҡорт дәүләт педагогия университеты коллективы «Театраль Волга буйы» йәмәғәт проектында ҡатнаша. Унда һәр төбәктән иң яҡшы студент һәм мәктәп театрҙары ярыша.

Тауыш биреү 30 ноябргә тиклем фестивалдең интернет селтәрендәге рәсми сайтында үтә. «Ҡорос» халыҡ театры республикала беренсе урын яулап Волга буйы округында ла еңеүгә дәғүә итә. Осрашыу сиктәрендә Башҡорт дәүләт педагогия университеты студенты Анастасия Конобеева күреү мөмкинлегенән мәхрүм булғандар өсөн Өфө театрҙары макетынан торған күргәҙмә тәҡдим итте. Ул ошо проект менән быйыл «Иволга» йәштәр форумында еңеү яулағайны.

Яңылыҡтарҙан.
Читайте нас в