Бөтә яңылыҡтар
Мәҙәниәт һәм сәнғәт
7 Ноябрь 2019, 22:00

"Йөрәк һүҙе" конкурсы бәйгеһенә рәхим итегеҙ!

Өфөлә актерҙар «Йөрәк һүҙе» конкурсында төп бүләк – автомобиль өсөн көрәшәсәк. Башҡорт телендәге шиғри бәйге 9 ноябрҙә «Башҡортостан» дәүләт концерт залында уҙа. Быйыл конкурс Башҡортостандың халыҡ шағиры Мостай Кәримдең 100 йыллығына бағышлана. Төп бүләк — автомобиль өсөн 500 мең һумлыҡ сертификат.

“Йөрәк һүҙе” былтырғыһынан да ҡыҙығыраҡ буласаҡ,-ти проекттың етәксеһе Наилә Сәфәрғолова.

“Беҙ – “Урал батыр” һымаҡ мәңгелек әҫәр ижад иткән халыҡ балалары. Беҙ – һүҙ ҡәҙерен белгән, уның көсөнә ышанған халыҡ, – ти Наилә Әбделхәй ҡыҙы, – миндә бер генә теләк, шиғриәткә табынған, һүҙ ҡеүәтен баһалаған һәр кеше “Йөрәк һүҙе”нән мәхрүм ҡалмаһын ине”

Шиғриәт һөйөүселәрҙе "Йөрәк һүҙе" 9 ноябрь киске 19:00 сәғәттә "Башҡортостан" дәүләт концерт залында көтә.

Яңылыҡтарҙан.
Читайте нас в