Мостай Кәримдең 100 йыллығына арналған театр аҙнаһы башланды

Мостай Кәрим исемендәге Милли йәштәр театрында Башҡортостандың халыҡ шағиры Мостафа Сафа улы Кәримовтың 100 йыллығына арналған театр аҙнаһы башланды. Мәҙәни программа яҙыусының "Оҙон-оҙаҡ" бала саҡ спектакле менән асылды. Мостай Кәрим декадаһы сиктәрендә тамашасылар әҙиптең әҫәрҙәре буйынса сәхнәләштерелгән биш спектаклде ҡараясаҡ.

Бөтә уҡыусыларға таныш яратҡан геройға әүерелгән Кендектең яҙмыш тарихы. Был тарих 1919 йылдан башлана һәм Рәсәй тарихынан айырылғыһыҙ. Хәл-ваҡиғалар Кендек һәм уны уратып алған донъя тирәләй ҡыҙыҡлы характерлы геройҙар мөнәсәбәттәре аша күрһәтелә.

Спектаклгә ике труппанан 25 артист йәлеп ителгән. Башҡорт ауылында барған ваҡиғалар тормоштан алынған. Уларҙың һәм береһендә кинәйә һәм халыҡтың йәшәйеше, рухи донъяһы яҡтыртылған.

Мостай Кәримдең йөҙ йыллыҡ юбилейы Башҡортостандың бер быуатлыҡ тарихи датаһы менән бәйле үтеүе осраҡлы түгел. Уның әҫәрҙәрендә ил тарихы аша милләт яҙмышы ла сағылдырылған.

Аҡыл эйәһе, философ, ысын мәғәнәһендә йыһан илсеһе Мостай Кәрим. Уның "Оҙон-оҙаҡ" бала-саҡ әҫәре беҙҙең һәр кемебеҙҙә күңелендәге саф һәм мөғжизәгә ышанған баланы юғатлмаҫҡа, ниндәй генә тормош даръяларында ла кеше булып ҡалырға саҡыра.

Республика яңылыҡтарынан.

Читайте нас:

Газета зарегистрирована (ПИ №ТУ 02-01461 от 05.10.2015 г.) в Управлении Федеральной службы по надзору в сфере связи, информационных технологий и массовых коммуникаций по Республике Башкортостан.

УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».

Телефон

8 (34739) 22356

Электрон почта

[email protected]

Адресы

453830, Республика Башкортостан, c. Стерлибашево,ул. Карла Маркса, 102.

Реклама хеҙмәте

8 (34739) 22354

Редакция

8 (34739) 22353

Ҡабул итеү бүлмәһе

8 (34739) 22353

Хеҙмәттәшлек

8 (34739) 22378

Кадрҙар бүлеге

8 (34739) 22354