Бөтә яңылыҡтар
Мәғариф
1 Ғинуар 2020, 11:15

Иҫке төрки телен өйрәнергә теләһәгеҙ

8 ғинуарҙа Өфөлә Әхмәтзәки Вәлиди исемендәге Милли китапхана «Иҫке төрки телен өйрәнеү курсы» проектын башлай. Курсты китапхананың ҡулъяҙмалар һәм һирәк китаптар бүлеге мөдире, филология фәндәре кандидаты Флүр Сибәғәтов алып бара.

Курсты асыу өсөн Башҡортостандың тыуған яҡты өйрәнеүселәр ойошмаһы рәйесе, Башҡортостан Республикаһы Милли музейының генераль директоры, тарих фәндәре кандидаты Марат Зөлҡәрнәев саҡырылған.
Иҫке төрки телен өйрәнеү милләттәштәребеҙгә шәжәрә төҙөгән саҡта нәҫел яҙмаларын тикшереүҙә һәм өйрәнеүҙә ярҙамға итер, тип раҫлай ойоштороусылар.
Беренсе этапта 10 дәрес үткәреү күҙаллана. Дәрестәр Әхмәтзәки Вәлиди исемендәге Милли китапхананың ҡулъяҙмалар һәм һирәк китаптар бүлегендә ойошторола (Өфө, Ленин урамы, 4, 1-се ҡат). Көндөҙгө сәғәт 3-тә башлана.
"Башинформ"
Читайте нас в