Бөтә яңылыҡтар
Мәғариф
6 Декабрь 2019, 11:45

Башҡортса һөйләшәйек

“Ғилем” нәшриәтендә 100 дана тираж менән “Русско-башкирский словарь геологических терминов” китабы донъя күрҙе. Авторы - техник фәндәр докторы, геология-минералогия фәндәре кандидаты билдәле ғалим Эрнст Юлбарисов.

Һүҙлеккә 3 мең тирәһе һүҙ ингән. Бынан тыш, ҡушымтала тышҡы күренешенә ҡарап, минералдарҙы билдәләү ысулдары ла, билдәле ғалим-геологтарҙың, республиканың ошо өлкәлә эшләгән шәхестәренең, тау-геология предприятиелары етәкселәренең исемлеге күрһәтелгән. Һүҙлек геология тармағы өсөн генә түгел, мәктәп уҡыусыларына ла, йәштәргә, студенттарға, киң мәғлүмәт саралары хеҙмәткәрҙәренә тәғәйенләнгән.
Яңы һүҙлек ер аҫты байлыҡтары тураһында иркен һөйләшергә теләгәндәргә ярҙамға килер.
Читайте нас в