Тырыш уҡыусы

Уҡыуҙан буш ваҡытында Ҡәҙриә китап уҡырға һәм һүрәт төшөрөргә ярата. Шуға күрә уның һүрәттәрен төрлө конкурстарҙа күрергә мөмкин. Бында ул призлы урындар яулай. Уҙған йыл «Хәүефһеҙ баласаҡ» республика һүрәттәр конкурсында Ҡәҙриә беренсе урын яулай. «Ҡыйыуҙар ғына утты буйһондора ала» конкурсында ҡатнашҡаны өсөн ул икенсе урын яулаған. «Һуғыш бала күҙҙәре менән» конкурсында ҡатнашҡан өсөн шулай уҡ Маҡтау грамотаһы менән бүләкләнә. «Һаумы, һаумы, әкиәт!» башҡорт телендә төбәк-ара донъя халыҡтары әкиәттәрен йәш башҡарыусылар конкурсында ул почетлы икенсе урын яулай. Ҡәҙриә шулай уҡ дәүләт символикаһын белеүгә һәм тыуған ер тәбиғәтен һаҡлауға республика конкурсында ҡатнашыусы.

Ҡыҙҙың ата-әсәһе - Ильмира Ғәлийән ҡыҙы менән Ғәзинур Минияр улы ҡыҙҙарының тырышлығын күреп, һәр йәһәттән хуплай.

М.ӘҺЛИУЛЛИНА. Автор фотоһы.