Ошо уҡыу йылдарында бер нисә тапҡыр йәмғиәтте өйрәнеү, рус теле һәм әҙәбиәте, экология буйынса призлы урындар яулай. Дилараның портфолиоһында уларҙа ҡатнашыу тураһында дипломдарҙан тыш, һәйбәт уҡыған өсөн бихисап Маҡтау грамоталары ла бар. Уҡытыусылары билдәләүенсә, ҡыҙ бик күп уҡый, уның белем даирәһе киң, ныҡышмалы һәм тырыш. Буш ваҡытта Дилара сәйлән үреү менән шөғөлләнә, һүрәт төшөрә һәм бәйләй. Уның сағыу һәм матур эштәрен төрлө күргәҙмәләрҙә күрергә мөмкин.