-3 °С
Болотло
Бөтә яңылыҡтар
Кеше һәм закон
29 Сентябрь 2020, 22:10
Ярҙам итегеҙ, әсәйем хәл өҫтөндә...
Бер билдәле театр актеры кисә Инстаграмда шәхси хәбәр ебәрҙе, унда “Үтенеп һорайым, ярҙам итегеҙ, әсәйем хәл өҫтөндә, уны машина тапаны. Тиҙ арала аҡса кәрәк” тип яҙылған һәм банк картаһының номеры күрһәтелгән, янына исеме яҙылған. Сәхифәһенә инеп ҡарайым, табиптарҙың операция талап ителеүе тураһындағы документты ла һалған. Ышанмаҫ ерҙән ышанырһың.
Шулай ҙа шикләндем. Тәү сиратта уға башҡортса яуап бирҙем (әйткәндәй, ярҙам һорап яҙған танышығыҙ башҡортса белһә, был тикшереү өсөн шәп ысул), шунан документтағы “Мәскәү ҡалаһының дауаханаһы” тигән яҙыуға күҙем төштө.
Ысынлап та, танышымдың аккаунты аша мутлашыусылар эш иткәне асыҡланды.
Бөгөн иһә был “ҡапҡан”ға икенсе танышым тотолдо, уның ҡорбаны ла булды. Шул уҡ Инстаграмда уның “сториз”ын күрәм: “Хеҙмәттәшем ошондай яҙма урынлаштырған, ярҙам һорай, ярҙам итәйек!”
Хәлде аңлағансы, үҙе күрһәтелгән картаға аҡса күсерергә лә өлгөргән.
Ғәҙәттә, бындай мутлашыуҙар “Бәйләнештә” төркөмөндә йыш күҙәтелә ине, хәҙер ошо касафат Инстаграмға ла барып еткән.
Һаҡ булығыҙ, башта мөмкинлегегеҙ булһа, шылтыратып йәки башҡа бәйләнеш саралары аша эштең айышына төшөнөгөҙ.
Фото: Инстаграм.
Читайте нас:
© 2020-2024 Сайт издания "Стәрлебаш шишмәләре"
Газета зарегистрирована (ПИ №ТУ 02-01461 от 05.10.2015 г.) в Управлении Федеральной службы по надзору в сфере связи, информационных технологий и массовых коммуникаций по Республике Башкортостан.
УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».
Телефон
8 (34739) 22356
Электрон почта
Адресы
453830, Республика Башкортостан, c. Стерлибашево,ул. Карла Маркса, 102.
Реклама хеҙмәте
8 (34739) 22354
Редакция
8 (34739) 22353
Ҡабул итеү бүлмәһе
8 (34739) 22353
Хеҙмәттәшлек
8 (34739) 22378
Кадрҙар бүлеге
8 (34739) 22354