-3 °С
Болотло
Бөтә яңылыҡтар
Күңел һалған эш
6 Сентябрь 2019, 11:50
Мөһим һәм етди һөнәр
Гүзәл Кәримованың (һүрәттә) эше ҙур яуаплылыҡҡа бәйле. Һуңғы бер тиҫтә йылдан ашыу ул финанс идаралығы начальнигы урынбаҫары - бюджет буйынса инспекция начальнигы вазифаһын биләй. Уның бурыстары бик күп - барыһын да һанап бөтөп булмай, әммә бер нисәһен шулай ҙа әйтеп үтергә кәрәк: ул һалым, казначей, статистика органдары, кредит һәм башҡа учреждениелар менән муниципаль берәмектең финанс эшмәкәрлеген координациялай һәм көйләй, урындағы бюджет проектын төҙөй, документтар һәм материалдар эшләй, уны үтәү иҫәбен ойоштора һәм алып бара, бюджет һәм автоном учреждениеларға субсидияларҙы ваҡытында биреүҙе контроллек итә һ.б. Күреүегеҙсә, ярайһы уҡ ҙур исемлек.
- Һөнәрҙе мин осраҡлы ғына һайламаным. Мин йыш ҡына әсәйемдең эшендә булып, уның нисек иҫәпләүен, яҙыуын күҙәтә торғайным. Ул банкта, һуңынан район хакимиәтендә экономист булып эшләне. Мәктәптән һуң документтарымды Өфө финанс-иҡтисад колледжына тапшырҙым, - тип һөйләй Гүзәл Ингел ҡыҙы.
Коммерция агросәнәғәт банкының Стәрлебаш ауылы филиалында эшләгәндә, ул белгеслеге буйынса беренсе тәжрибә ала, һуңынан почтамтта экономист булып эшләй, унда өлкән хеҙмәттәштәре уға эштең бөтә нескәлектәрен аңларға ярҙам итә, эш тәүҙә ауыр кеүек тойолһа ла, ваҡыт үтеү менән барлыҡ ауырлыҡтарҙы еңә. Бер үк ваҡытта юғары белем дә ала.
- Әлеге эш урынымда ла коллективтан уңдым. Кәрәк булһа бер-беребеҙгә ярҙамлашабыҙ, был да бик мөһим, тип иҫәпләйем. Минең йәнәшәмдә яҡшы хеҙмәткәрҙәр - Светлана Михайлова, Гөлнара Хәбибуллиналар эшләй. Башҡа райондарҙан хеҙмәттәштәребеҙ менән аралашабыҙ, тәжрибә, белемдәребеҙ менән уртаҡлашабыҙ, - ти ул.
Гүзәл Ингел ҡыҙы үҙ аллы яңы программаларҙы, мәғлүмәттәрҙе өйрәнә, уның эшмәкәрлеге өлкәһендә йыш булған барлыҡ үҙгәрештәрҙе үҙләштерә.
Буш ваҡытында яратҡан эше - бәйләү менән шөғөлләнә, был уның ғүмерлек мауығыуына әүерелгән. Улдары ла әсәләрен уңыштары менән һөйөндөрә. Руслан атаһы менән бергә эшләй, улар көнбағыш майы етештереү менән шөғөлләнә, бәләкәйҙәре 3 һанлы Стәрлетамаҡ башҡорт лицейында белем ала. Тимур һәйбәт уҡый, футбол ярыштарында йыш ҡына миҙалдар менән дә бүләкләнә.
Фаягөл ЙОСОПОВА. А.ЗӘЙНЕТДИНОВ фотоһы.
Читайте нас:
© 2020-2024 Сайт издания "Стәрлебаш шишмәләре"
Газета зарегистрирована (ПИ №ТУ 02-01461 от 05.10.2015 г.) в Управлении Федеральной службы по надзору в сфере связи, информационных технологий и массовых коммуникаций по Республике Башкортостан.
УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».
Телефон
8 (34739) 22356
Электрон почта
Адресы
453830, Республика Башкортостан, c. Стерлибашево,ул. Карла Маркса, 102.
Реклама хеҙмәте
8 (34739) 22354
Редакция
8 (34739) 22353
Ҡабул итеү бүлмәһе
8 (34739) 22353
Хеҙмәттәшлек
8 (34739) 22378
Кадрҙар бүлеге
8 (34739) 22354