- Фәйзүнә Килмөхәмәт ҡыҙы барлыҡ бурыстарын еренә еткереп үтәгән яуаплы, бөхтә, намыҫлы, тәжрибәле хеҙмәткәр. Ул бергә эшләгән тәрбиәсе Гөлнара Ғилмановаға һәр ваҡыт занятиелар үткәрергә ярҙамлаша. Сөнки балалар шундай шуҡ һәм шаян, - ти балалар баҡсаһы мөдире Гөлшат Йәғәфәрова. - Ул балалар йөрәгенә асҡыс таба белеүҙән тыш, уларҙың атаәсәләре менән дә һәйбәт мөнәсәбәттә. Сөнки ата-әсәләргә нимә кәрәк? Баҡсала балалары туҡ һәм ҡәнәғәт, саф һауаға йөрөргә сыҡҡанда кейенгән булһын. Әйтергә кәрәк, ата-әсәләр ҙә уның эшенән ҡәнәғәт. Ә был иң мөһиме. Фәйзүнә Килмөхәмәт ҡыҙының намыҫлы хеҙмәте етәкселек тарафынан да лайыҡлы баһаланған. Ағымдағы йылда үткән Ауыл хеҙмәтсәндәре слетында ул «Һөнәре буйынса иң яҡшыһы» исеменә лайыҡ булды.