Баш ҡалала һалым инспекторҙары халыҡ араһына Ҡыш бабай костюмында сыға

Улар халыҡты яңы йыл персонаждары менән йәлеп итергә ниәтләй. Акциялар кесе йоманан алып йәкшәмбегә тиклем ике аҙна буйына бара.

Күсмә нөктәләрҙә бурыс хаҡында белергә, һалым түләү өсөн квитанция алырға мөмкин. Инспекторҙар «Физик берәмектәр һалымы» мобиль ҡушымтаһын ҡуйыуҙа ярҙам итергә һәм улар менән дөрөҫ эшләү өсөн кәңәштәр бирергә әҙер, тип хәбәр иттеләр Федераль һалым хеҙмәтенең Башҡортостан буйынса идаралығынан.

"Башинформ".