Владимир Путин "Себер көсө"н эшләтеп ебәрҙе

Рәсәй газын Ҡытайға һатыу тураһында килешеү 2014 йылдың майында төҙөлгәйне. "Газпром" һәм Ҡытай милли нефть-газ корпорацияһы был юҫыҡта 30 йыл хеҙмәттәшлек итәсәк. Йылына 38 миллиард кубометр "зәңгәр яғыулыҡ" экспортлау күҙаллана.

3000 километрға һуҙылған газ торбаһы Иркутск өлкәһе, Саха Яҡут республикаһы, Амур өлкәһе аша үтә.

- Нихао! Добрый день! Здравствуйте! - тип сәләмләне Владимир Путин. Һәм был ваҡиғаның бик әһәмиәтле, тарихи көн булыуын билдәләне. Проект ғәмәлгә ашырылыуы ситкә һатыу өсөн генә түгел, ә Амур өлкәһендә эшләйәсәк һәм донъяға ҡеүәте менән таныласаҡ газ эшкәртеү заводы өсөн дә мөһим.

Газ үткәргес "Атаман" компрессор станцияһынан асылды. Тәүҙә, әлбиттә, Владимир Путиндан рөхсәт алынды.

- Разрешаю. Начинайте, - тине Президент. Кран асылды һәм Ҡытайға газ үтә башланы. Был ваҡытта унда Рәсәй газын ҡабул итергә әҙерлек белдерелде.

- Поехали! - тине Си Цзиньпин әфәнде.

https://yeshlek.rbsmi.ru/articles/ya-yly-tar-ta-ma-y-netu/Vladimir-Putin-Seber-k-s-n-eshl-tep-eb-r-e-24759/