Башҡортостанда төп күрһәткестәр буйынса үҫеш көтөлә

Бөгөн Дәүләт Йыйылышы – Ҡоролтайҙа бюджет тураһындағы закон проекты буйынса йәмәғәт тыңлауҙары уҙҙы. Республика Хөкүмәте Премьер-министры урынбаҫары – Иҡтисади үҫеш һәм инвестиция сәйәсәте министры Рөстәм Моратов киләһе йылдарға социаль-иҡтисади күрһәткестәр менән таныштырҙы. Бюджет проекты өс йүнәлеш буйынса әҙерләнгән. “Төп документҡа ярашлы алдағы йылдарҙа бөтә тармаҡтарҙа үҫеш фаразлана”, - тине Рөстәм Моратов.