Бөтә яңылыҡтар
Иҡтисад
6 Ноябрь 2019, 11:52

Ҡайнар һыуҙа бешкән ир өсөн кем яуап тотор?

Өфөнөң Орджоникидзе районындағы 23-сө торлаҡ–эксплуатациялау идаралығы слесарь-сантехнигы эш урынында тәнен ныҡ бешергән.

Ул Ладыгин урамындағы йорттоң подвалында ҡайнар пар сығыуы тураһында хәбәр алғандан һуң ваҡиға урынына ашыға. Подвалдағы торба буйлап пар сыҡҡан ергә яҡынлашҡанда, аяғы тайып китеп, ҡайнар һыуға осоп төшә. 18-се дауаханала тән өлөштәренең һәр береһенә төрлө дәрәжәләге диагноз ҡуйыла.

Хеҙмәт инспекцияһының билдәләүенсә, слесарҙы һаҡлау саралары менән тәьмин итмәүҙәре, инструкция бирмәүҙәре асыҡланған. Һөҙөмтәлә ғәйеплеләргә 350 мең һумлыҡ штраф һалынған. Ә авария хәленә килтергән, тейешле контроль булдырмаған “Коммунпромстрой” компанияһын шулай уҡ административ яуаплылыҡҡа тарттырғандар.Башҡортостан гәзитенән.
    Читайте нас в