Башҡортостанда республика Башлығы ихаталары барлыҡҡа килә

Бөгөн Өфөнөң Сипайлово биҫтәһен ҡарап йөрөгән саҡта шул хаҡта белдерҙе республика етәксеһе Радий Хәбиров. Уның һүҙҙәренсә, бер нисә төбәктә ошондай программалар бар.

Был ихаталар республика Башлығы фондынан финансланырға тейеш. Бындай ихаталарҙы муниципалитетта йәшәүселәр үҙҙәре тауыш биреү юлы менән билдәләй, һуңынан ғариза республика башлығына ебәрелә.

«Еңеүсе ихата буйынса миңә ғариза бирелә һәм мин уны финанслай башлайым. Бер ихатаға 5 миллион һум бүлергә ниәтләйбеҙ. Ихата ҙур икән, был аҡсаға унда балалар майҙансығы ҡуйырға, ихатаның биләмәһе ныҡ ҙур булмаһа, шул аҡсаға уны тулыһынса төҙөкләндерергә мөмкин», — тине Радий Хәбиров, «Башинформ» агентлығы һорауына яуап биреп.