Телеңде йоторлоҡ! Тултырылған сөгөлдөр һәм чипсы

Тултырылған сөгөлдөр 1 кг сөгөлдөргә (уртаса ҙурлыҡта) 500 г эремсек,3-4 йомортҡа, 4 ҡалаҡ йөҙөм, 2 ҡалаҡ шәкәр, 1/3 стакан манный ярмаһы, 40 г аҡ май, тәменсә тоҙ кәрәк. Бешкән сөгөлдөрҙө әрсергә лә, ипләп кенә уртаһын алып, «һауыттар» эшләргә. Эремсекте иләк аша үткәрергә. Уға йөҙөм, йомортҡа, шәкәр, манный ярмаһын ҡушып, яҡшылап болғатырға һәм сөгөлдөр эсенә тултырырға. Майлы табаға теҙеп, 15-20 минутҡа мейескә ҡуйырға. Табынға ҡаймаҡ менән бирергә.