-5 °С
Ҡар
Бөтә яңылыҡтар
Һеҙҙең өсөн, хужабикәләр!
28 Август 2019, 14:13
Телеңде йоторлоҡ! Йәшелсәнән ашамлыҡтар
Маринадланған патиссонБер литрлы банкаға: 600 г патиссон, 450 г маринад, 2 г ваҡ ҡына туралған керән тамыры, 4 г сельдерей һәм петрушка япрағы, самалап ҡуҙаҡлы ҡыҙыл борос, 2 лавр япрағы, 2 – 3 бүлкәт һарымһаҡ, 0,3 г дәрсен (корица), 10 бөртөк ҡәнәфер, 3 бөртөк хуш еҫле ҡара борос.Маринад өсөн: 400 г һыу, 20 г тоҙ, 20 г шәкәр, 6 г 9 процентлы аш һеркәһе.
Маринадлау өсөн патиссондарҙың бәләкәйерәктәрен, йомшағыраҡтарын һайлайҙар. Уларҙы йыуып, кәрәкмәгән урындарын ҡырҡып таҙартырға. Йәшелсәне тәүҙә ҡайнар һыуҙа 3 – 5 минут бешекләп, һалҡын һыуҙа һыуытырға.
Бынан һуң йәшел тәмләткестәрҙе йыуып, ваҡ ҡына итеп турарға, шул уҡ ваҡытта маринад әҙерләнә. 1 литрлы банка өсөн эмалле кәстрүлгә һыу, тоҙ һәм шәкәр һалырға, 10 – 15 минут ҡайнатырға, 3 – 4 ҡат марля аша һөҙөп, ҡабаттан ҡайнатып, аш һеркәһе өҫтәргә.
Банканың төбөнә йәшел тәмләткестәрҙе һалғас, патиссондарҙы теҙергә. Ҡайнар маринад ҡойғандан һуң, тимер ҡапҡас менән ҡаплап, ҡайнап торған һыулы кәстрүлгә ҡуйып стерилләргә.
Банкалағы йәшелсәне яйлап һыуытырға, бының өсөн йылы әйбер менән ҡаплап торорға кәрәк.
Маринадланған һарымһаҡ
Маринад өсөн: 1 литр һыуға – 50 г тоҙ, 50 г шәкәр, 100 мл 9 процентлы аш һеркәһе.
Һарымһаҡты әрсеп, таҙартып, 3 – 4 минут ҡайнар һыуҙа тотоп, банкаға һалырға. Маринад өсөн ҡайнар һыуға шәкәр һәм тоҙ һалып, ике минут тирәһе ҡайнатырға, уттан алыр алдынан ғына аш һеркәһе өҫтәргә. Ҡайнар тоҙлоҡто банкаға ҡойоп, тимер ҡапҡас менән ҡаплап, әйләндереп, йылы әйбер менән ябып, һыуытырға ҡуйырға.
Помидорҙан салат
1 кг башлы һуған, 2 кг татлы борос, 2 кг помидор, ярты стакан үҫемлек майы, 1 ҡалаҡ шәкәр, 1 ҡалаҡ тоҙ.
Һуған менән боросто турап, майҙа ҡыҙҙырырға. Помидорҙарҙы дүрт өлөшкә бүлеп, яртыһы ҡалғанға тиклем бешерергә, тоҙ, шәкәр, май ҡушырға. Тоҙ менән шәкәр ирегәндән һуң ҡыҙҙырылған борос менән һуғанды өҫтәргә. Ошо массаны ҡайнау хәленә еткергәндән һуң банкаларға һалырға ла стерилләргә. 1 литрлыҡ банкалар 40 минут тирәһе стерилләнә.
Маринадланған ҡыяр
10 кг ҡыяр, 500 г башлы һуған, 10 – 15 г укроп йәки әнис орлоғо.
Маринад өсөн: 6 литр һыу, 2 ҡалаҡ аш һеркәһе, 100 – 150 г тоҙ, 1 кг шәкәр, ҡара борос.
Ҡыярҙы йыуып таҙартырға ла, түңәрәкләп ҡырҡырға. Тоҙ, шәкәр, укроп йәки әнис, ваҡлап туралған һуған, борос һибеп, ҡыяр киҫәктәрен банкаларға тултырғас, маринадты ҡойоп, стерилләргә. Ярты литрлыҡ банкалар – 10, литрлыҡтары 15 минут утта тотола.
Тиҙ әҙерләнә торған ҡышҡы салат
2 кг помидор, берәр килограмм башлы һуған, кишер, кәбеҫтә, ҡыяр, татлы борос.
Бөтә йәшелсәне лә ваҡлап турап, 8 балғалаҡ тоҙ һәм бер стакан үҫемлек майы өҫтәргә. Ярты стакан һыуға 100 мл 9 процентлы аш һеркәһе ҡушып болғатырға ла, йәшелсәгә ҡойорға. Әҙер массаны утта 5 минут тирәһе ҡайнатырға, стерилләнгән эҫе банкаларға тултырып, тимер ҡапҡастар менән ҡапларға.
Итле аҙыҡтар өсөн тәмләткес
1 кг крыжовник, 200 г йәшел әнис, 300 г һарымһаҡ.
Йәшел, өлгөрмәгәнерәк крыжовникты йыуып, укроп, һарымһаҡ ҡушып, ит үткәргес аша үткәрергә лә, банкаларға тултырырға. Был тәмләткесте һалҡынса урында һаҡларға.
Читайте нас:
© 2020-2024 Сайт издания "Стәрлебаш шишмәләре"
Газета зарегистрирована (ПИ №ТУ 02-01461 от 05.10.2015 г.) в Управлении Федеральной службы по надзору в сфере связи, информационных технологий и массовых коммуникаций по Республике Башкортостан.
УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».
Телефон
8 (34739) 22356
Электрон почта
Адресы
453830, Республика Башкортостан, c. Стерлибашево,ул. Карла Маркса, 102.
Реклама хеҙмәте
8 (34739) 22354
Редакция
8 (34739) 22353
Ҡабул итеү бүлмәһе
8 (34739) 22353
Хеҙмәттәшлек
8 (34739) 22378
Кадрҙар бүлеге
8 (34739) 22354