АУЫҘҘА ИРЕП ТОРОУСЫ СӘК-СӘК

Был рецепты мин интернет киңлектәренән алдым. Шул уҡ ваҡытта өләсәйемдең сәк-сәге күҙ алдына килеп баҫты. Уның ҡамыры ҡулға йәбешеп тора, ҡулды майлап оҙонсалап ҡул менән ыуалап еп формаһында һуҙып, тәрилкәне өйрөлтөп кенә ҡырҡып сығаң. Бешергән саҡта ла ҡайнап бер аҙ һыуытылған майға һалып, утты ҡабыҙаң. Болғай-болғай бешереп алаң. Ә был, түбәндәге рецепта бөтөнләй башҡасараҡ.

АУЫҘҘА ИРЕП ТОРОУСЫ СӘК-СӘК

* 3 йомортҡа һарыһы

* 2 йомортҡа

* 3 аш ҡалағы һөт

* он (талап ителгәнсә, ҡамыр йомшаҡ ҡына булһын)

Ҡамырҙы йомшаҡ ҡына итеп баҫҡандан һуң ярты сәғәт тирәһе һалып ҡуябыҙ. Әҙер ҡамырҙы 8 өлөшкә бүлгәндән һуң, йоҡаҡ ҡына итеп йәйәбеҙ. Унан туҡмас һалма кеүек турап сығабыҙ ҙа бер-береһенә йәбешмәһен өсөн онлайбыҙ.

Ҡалын төплө тәрән һауытҡа май ҡойоп, ҡайнап сыҡҡанын көтәбеҙ. Унан сәк-сәгебеҙҙең өстән ер өлөшөн һалып, болғай-болғай бешереп алабыҙ. Ҡалғанын да ошо рәүешле бешерәбеҙ. Хәҙер инде сират балға етте.

1 стакан балға 1 стакан шәкәр һалып иретеп алабыҙ (һыуыған саҡта ҡатырға тейеш, шуға ла сама менән балын әҙерәк һалһаң да була). Ҡайнап сығыу менән тағы 5 минут көтөп торабыҙ һәм әҙер сәк-сәкте һалып болғатабыҙ. Бер аҙ һыуына төшкәс, батмусты йә тәрилкәләрҙе һыулап, матурлап һалып сығабыҙ. Шәкәр оно йә магазинда һатылған махсус төҫлө кәнфит онтаҡтары менән биҙәргә мөмкин.

Ашығыҙ тәмле булһын! Һаҡмар гәзитенән.

Читайте нас:

Газета зарегистрирована (ПИ №ТУ 02-01461 от 05.10.2015 г.) в Управлении Федеральной службы по надзору в сфере связи, информационных технологий и массовых коммуникаций по Республике Башкортостан.

УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».

Телефон

8 (34739) 22356

Электрон почта

[email protected]

Адресы

453830, Республика Башкортостан, c. Стерлибашево,ул. Карла Маркса, 102.

Реклама хеҙмәте

8 (34739) 22354

Редакция

8 (34739) 22353

Ҡабул итеү бүлмәһе

8 (34739) 22353

Хеҙмәттәшлек

8 (34739) 22378

Кадрҙар бүлеге

8 (34739) 22354