17 кеше үтә ауыр хәлдә

Мәғлүмәттәр менән һаулыҡ һаҡлау министры вазифаһын башҡарыусы Динара Еникеева таныштырҙы. Һуңғы тәүлек эсендә йәнә 144 кеше коронавирус инфекцияһы йоҡторған, дөйөм сирлеләр һаны – 15265. Ауырығандарҙың ҙур өлөшө, 48 проценты – 26-50 йәшлек кешеләр. 22 процент – 51-60 йәшлектәр. Дауаханаларҙа ауыр һәм уртаса хәлдәге 580 пациент ята, 17 кешенең хәле үтә ауыр, 11 пациент ИВЛ аппаратына тоташтырылған. Бөтәһе инфекциянан 90 кеше үлгән, һуңғы тәүлектә вафат булғандар юҡ. Дауаханаларҙа ковид өсөн бүленгән урындарҙың 22 проценты буш. Дөйөм алғанда 4252 кеше инфекция госпиталдарендә дауалана. Башҡортостан Башлығы Радий Хәбиров белдереүенсә, ошо көндәрҙә Стәрлетамаҡтағы күп функциялы йоғошло ауырыуҙар үҙәге асыласаҡ һәм буш урындар тағы ла артыр тип күҙаллана. Дарыуҙар, һаҡланыу саралары барлыҡ медицина учреждениеларында ла етерлек кимәлдә. Фото: supermarketkreditov.ru Автор: Альфия Мингалиева https://bash.rbsmi.ru/articles/s-l-m-t-bulayy/17-keshe-t-auir-h-ld-577767/